మన నిత్య జీవితంలో ఆహారంలో పెరుగు భాగం కావడం అత్యంత సహజం. అయితే, నేటి ఆధునిక జీవనశైలిలో చాలామంది సమయాభావం వల్ల లేదా సులభంగా లభిస్తుందనే కారణంతో మార్కెట్లో దొరికే ప్యాకెట్ పెరుగును ఉపయోగిస్తున్నారు. ఈ నేపథ్యంలో ప్యాకెట్ పెరుగు vs ఇంట్లో తోడుపెట్టిన పెరుగు” అనే అంశంపై తీవ్ర చర్చ జరుగుతోంది. ఈ రెండింటిలో ఏది బెటర్. ఏది తీసుకుంటే మంచింది. రెండింటిలో తేడాలు ఏమిటి అనేవి ఒక డాక్టర్ వీడియో ద్వారావెల్లడించారు.
అసలు విషయానికి వస్తే.. ప్రధానంగా ప్యాకెట్ పెరుగు, ఇంట్లో సహజంగా తయారుచేసుకునే పెరుగు మధ్య ఉన్న వ్యత్యాసాలను, ఆరోగ్యపరమైన అంశాల గురించి డాక్టర్లు ఏమంటున్నారంటే? వ్యాపార పద్ధతుల్లో తయారయ్యే ప్యాకెట్ పెరుగు ఎక్కువ రోజులు నిల్వ ఉండేందుకు (Preservation), చిక్కదనం మరియు రుచి కోసం కొన్ని రకాల ప్రాసెస్ ప్రక్రియలకు గురవుతుంది. దీనివల్ల పెరుగులో ఉండే సహజమైన ప్రోబయోటిక్స్, ఉపయోగకరమైన బ్యాక్టీరియా పరిమాణం మారే అవకాశం ఉంది.
మరోవైపు, పాలను సక్రమంగా కాచి, ఇంట్లోనే సహజంగా తోడుపెట్టే పెరుగులో ఎటువంటి రసాయనాలు లేదా ప్రిజర్వేటివ్లు ఉండవు. ఇది జీర్ణక్రియకు ఎంతో మేలు చేయడమే కాకుండా, కడుపులో ఉండే మంచి బ్యాక్టీరియాను (Gut Flora) పెంపొందించడంలో కీలక పాత్ర పోషిస్తుంది. జీర్ణవ్యవస్థ పనితీరు మెరుగుపడటానికి, నోటి ఆరోగ్యానికి మరియు శరీరంలో రోగనిరోధక శక్తి పెరగడానికి సహజ సిద్ధమైన తోడు పెరుగు ఎంతో ఉత్తమమని నిపుణులు సూచిస్తున్నారు.
కాబట్టి, వీలైనంత వరకు మార్కెట్ ప్యాకెట్ పెరుగుపై ఆధారపడటం తగ్గించి, ఇంట్లోనే తయారుచేసుకునే పెరుగును వాడటం ఆరోగ్యానికి ఎంతో శ్రేయస్కరం. క్రమం తప్పకుండా సహజమైన పెరుగును ఆహారంలో భాగం చేసుకోవడం వల్ల జీర్ణ సమస్యలను నివారించవచ్చని ఈ వీడియో ద్వారా స్పష్టమవుతోంది.
