చిన్నవయసులోనే స్టార్ హీరోయిన్ గా వెలుగు వెలిగిపోతోంది జాన్వీ కపూర్(Janhvi Kapoor). శ్రీదేవి వారసురాలిగా ఇండస్ట్రీలోకి వచ్చినా.. సొంత టాలెంట్ తో ఎదిగి చూపిస్తోంది. సోషల్ మీడియాలో ఎప్పుడూ యాక్టీవ్ గా ఉండే జాన్వీ.. ఇన్ స్టా పోస్టులతో లక్షల్లో సంపాదిస్తోంది. ఫ్యాషన్ విషయంలో ఎప్పుడూ అప్ డేట్ అవుతూ ఉండే జాన్వీ కపూర్ చాలా సింపుల్ గా కనిపించినా.. చాలా కాస్ట్లీ వస్తువుల వాడుతుంటుంది.
పెద్ది సినిమాలో జాన్వీ పాత్రపై విమర్శలు..
బాలీవుడ్ తోపాటు సౌత్ సినిమాల్లో కూడా సందడి చేస్తోంది జాన్వీ కపూర్. దేవర సినిమాతో మొదలైన టాలీవుడ్ ప్రయాణం.. రీసెంట్ గా పెద్ది సినిమాతో కొనసాగుతోంది. ఈమూవీలో జాన్వీ పాత్రపై చాలా విమర్శలు వచ్చాయి…వివాదానికి కూడా దారి తీసింది. దాంతో ఆమె ఇక సౌత్ సినిమాలు చేయదన్న రూమర్ కూడా వినిపిస్తోంది. ఈక్రమంలోనే జాన్వీ కపూర్ తన అక్క పెళ్ళిలో అదిరిపోయే లుక్ లోకనిపించి సందడి చేస్తోంది. మరీ ముఖ్యంగా ఆమె పెట్టుకున్న వాచ్ కాస్ట్ తెలిసి అభిమానులు షాక్ అవుతున్నారు.
వైరల్ అవుతోన్న జాన్వీ కపూర్ వాచ్
జాన్వీ కపూర్ బాలీవుడ్లో తనదైన నటనతో, స్టైల్తో దూసుకుపోతోంది. ఇటీవల ఆమె ధరించిన ఒక ఖరీదైన గడియారం సోషల్ మీడియాలో హాట్ టాపిక్గా మారింది. ప్రముఖ లగ్జరీ బ్రాండ్ పటేక్ ఫిలిప్ (Patek Philippe) కు చెందిన ‘గోండోలో హాట్ క్లోయిర్ పెర్ల్’ (Gondolo Haute Joaillerie) మోడల్ వాచ్తో ఆమె కనిపించి అందరినీ ఆశ్చర్యపరిచింది. వజ్రాలు, ముత్యాలతో పొదిగిన ఈ వాచ్ ధర దాదాపు 2.5 కోట్లు ఉంటుందని అంచనా. ఈ ఒక్క వాచ్తోనే ఆమె లైఫ్ స్టైల్ ఏ రేంజ్లో ఉందో అర్థం చేసుకోవచ్చు.
జాన్వీ కపూర్ ఆస్తుల విలువ..
కేవలం సినిమాలే కాకుండా బ్రాండ్ ఎండార్స్మెంట్లు, స్టేజ్ షోలు, యాడ్స్ ద్వారా జాన్వీ భారీగా సంపాదిస్తోంది. ప్రస్తుతం ఆమె నికర ఆస్తి విలువ (Net Worth) సుమారు 80 కోట్ల నుండి 100 కోట్ల వరకు ఉంటుందని సమాచారం. ఒక్కో సినిమాకు ఆమె 5 కోట్ల నుండి 6 కోట్ల వరకు రెమ్యునరేషన్ తీసుకుంటుంది. బ్రాండ్ ప్రమోషన్ల కోసం కోట్లలో చార్జ్ చేస్తుంది. ముంబైలోని జుహూ ప్రాంతంలో ఆమెకు 65 కోట్ల విలువైన ఒక లగ్జరీ డ్యూప్లెక్స్ ఇల్లు కూడా ఉంది.
జాన్వీ కపూర్ కార్ కలెక్షన్:
జాన్వీ కపూర్కు ఖరీదైన కార్లంటే చాలా ఇష్టం. ఆమె గ్యారేజ్లో ప్రపంచ ప్రఖ్యాత లగ్జరీ కార్లు ఉన్నాయి.
మెర్సిడెస్ మేబ్యాక్ S560 (Mercedes-Maybach S560): దీని ధర సుమారు 2 కోట్లు. జాన్వీ ఎక్కువగా ఈ కారులోనే ప్రయాణిస్తూ కనిపిస్తుంది.
రేంజ్ రోవర్ స్పోర్ట్ (Range Rover Sport): సుమారు 1.5 కోట్ల విలువైన ఈ పవర్ఫుల్ ఎస్యూవీ ఆమె కలెక్షన్లో ఉంది.
మెర్సిడెస్ బెంజ్ GLE (Mercedes-Benz GLE): రోజువారీ ప్రయాణాల కోసం ఈ లగ్జరీ కారును వాడుతుంది.
అతి చిన్న వయసులోనే స్టార్డమ్ తెచ్చుకున్న జాన్వీ కపూర్, అటు సినిమాల్లో నటిస్తూనే, ఇటు లగ్జరీ లైఫ్ స్టైల్తో ఎంతోమందికి ఫ్యాషన్ ఐకాన్గా నిలుస్తోంది.
