చాలామంది పళ్లు గట్టిగా, బలంగా ఉండటానికి క్యాల్షియం సప్లిమెంట్లు లేదా విటమిన్ సీ టాబ్లెట్లు వాడాలా అని డెంటిస్ట్లను అడుగుతుంటారు. అయితే, ఎటువంటి సప్లిమెంట్లు లేకుండా మన దైనందిన ఆహారంలో కొన్ని రకాల పదార్థాలను చేర్చుకోవడం ద్వారానే పళ్లను ఆరోగ్యంగా ఉంచుకోవచ్చని నిపుణులు చెబుతున్నారు. పళ్ల ఆరోగ్యానికి మేలు చేసే 5 కీలక ఆహార పదార్థాలను ఇప్పుడు తెలుసుకుందాం.
మంచి నీళ్లు (Water):
అన్నింటికంటే ముఖ్యమైనది నీళ్లు. మంచి నీళ్లు తాగడం వల్ల నోటిలోని యాసిడ్ స్థాయిలు న్యూట్రలైజ్ అవ్వడమే కాకుండా, నోట్లో మిగిలిపోయిన ఆహార కణాలు సులభంగా శుభ్రమవుతాయి.
పాలు మరియు పెరుగు (Milk & Curd):
పాలు, పెరుగులలో క్యాల్షియం, ఫాస్ఫరస్ సమృద్ధిగా ఉంటాయి. ఇవి పళ్లపై ఉండే రక్షణ పొర అయిన ‘ఎనామిల్’ (Enamel) ను బలపరచడంలో కీలక పాత్ర పోషిస్తాయి.
ప్రాసెస్ చేయని చీజ్ (Unprocessed Cheese):
ప్రాసెస్డ్ చీజ్ కాకుండా సహజ సిద్ధమైన చీజ్ తినడం వల్ల నోట్లో లాలాజలం (Saliva) పెరుగుతుంది. ఇది నోటిలోని పి.హెచ్ (pH) స్థాయిలను సమతుల్యం చేసి, పళ్లకు రక్షణగా నిలుస్తుంది.
క్యారెట్, ఆపిల్ వంటి ఫలాలు (Crunchy Fruits & Vegetables):
క్యారెట్, ఆపిల్ వంటి కరకరలాడే పండ్లు, కూరగాయలు నమిలి తినడం వల్ల లాలాజలం ఎక్కువగా ఊరుతుంది. వీటిలో ఉండే పోషకాలు చిగుళ్లకు, పళ్లకు ఎంతో మేలు చేస్తాయి.
నట్స్ (Nuts):
బాదం, జీడిపప్పు, వాల్నట్స్ వంటి నట్స్లో చక్కెర పరిమాణం చాలా తక్కువగా ఉండి, పళ్లకు అవసరమైన ఖనిజ లవణాలు (Minerals) పుష్కలంగా ఉంటాయి .
నోటి ఆరోగ్యాన్ని కాపాడుకోవడానికి కృత్రిమ సప్లిమెంట్ల కంటే ఈ సహజ సిద్ధమైన ఆహార పదార్థాలను ప్రతిరోజూ తీసుకోవడం ఎంతో శ్రేయస్కరమని డాక్టర్లు చెపుతున్నారు.
