మన దైనందిన జీవితంలో ఎక్కిళ్లు రావడం చాలా సహజం. మొదట్లో ఒకటి లేదా రెండుసార్లు ఎక్కిళ్లు వస్తే సరదాగా లేదా ఫన్నీగా అనిపించినప్పటికీ, అవి ఆగకుండా పదేపదే వస్తూ ఉంటే మాత్రం చాలా చిరాగ్గా, అసౌకర్యంగా మారుతుంది. కొన్ని సందర్భాల్లో ఎక్కిళ్లు తీవ్రమైన నెప్పిని కూడా కలిగిస్తాయి. ఈ ఇబ్బంది భరించలేక చాలామంది హాస్పిటల్స్ లేదా డాక్టర్లను కూడా ఆశ్రయిస్తుంటారు.అయితే ఎక్కిళ్లు వచ్చినప్పుడు భయపడాల్సిన లేదా టెన్షన్ పడాల్సిన అవసరం లేదని డాక్టర్లు చెపుతుంటారు. ఎక్కిళ్లను కేవలం 10 సెకన్లలో ఇన్స్టంట్ గా ఆపడానికి ఒక సైన్స్ ఆధారిత ప్రత్యేక టెక్నిక్ ఉంది .
ఎక్కిళ్లను ఆపే సైంటిఫిక్ టెక్నిక్: ‘3-Deep Inhale’ పద్ధతి
మన శరీరంలో ఉండే ‘ఫ్రీనిక్ నర్వ్’ (Phrenic Nerve) ను కాసేపు కాంట్రాక్ట్ చేసి, ఆ తర్వాత రిలాక్స్ చేయడం ద్వారా ఎక్కిళ్లు వెంటనే ఆగిపోతాయి. దీనికోసం అనుసరించాల్సిన 3-Deep Inhale ప్రక్రియ ఇది
మొదటి శ్వాస (First Inhale): ముందుగా ముక్కు ద్వారా వీలైనంత లోతుగా శ్వాసను లోపలికి తీసుకోవాలి (Big Inhale)
రెండవ శ్వాస (Second Inhale): తీసుకున్న గాలిని బయటకు వదలకుండా, వెంటనే మరోసారి రెండవ శ్వాసను లోపలికి తీసుకోవాలి
మూడవ శ్వాస (Third Inhale): ఆ శ్వాసను కూడా బయటకు వదలకుండా, చిన్నగా (Micro Inhale) మూడోసారి కూడా గాలిని లోపలికి పీల్చుకోవాలి
శ్వాసను ఆపడం (Hold Breath): ఈ మూడు శ్వాసలు పూర్తయిన తర్వాత, ఆ గాలిని బయటకు వదలకుండా సుమారు 15 నుండి 20 సెకన్ల పాటు శ్వాసను బిగపట్టి ఉంచాలి
శ్వాస వదలడం (Exhale): 20 సెకన్ల తర్వాత మెల్లగా నోటి ద్వారా లేదా ముక్కు ద్వారా గాలిని బయటకు వదిలేయాలి
ఈ సులభమైన శ్వాస ప్రక్రియను అనుసరించడం వల్ల మీ ఎక్కిళ్లు తక్షణమే (Instant) ఆగిపోతాయి. ఎక్కిళ్లు వచ్చి ఇబ్బంది పడుతున్నప్పుడు ఈ చిన్న చిట్కా ఎంతో బాగా ఉపయోగపడుతుంది
